Thursday, August 23, 2007

Poem

သင်သေသွားသော် ...

သြော် လူ့ပြည်လောက၊ လူ့ဘဝကား၊
အိုရ နာရ၊ သေရ ဦးမည်၊
မှန်ပေသည်တည့်။

သို့တပြီကား၊ သင်သေသွားသော်၊
သင်ဖွားသောမြေ၊ သင်တို့မြေသည်၊
အခြေတိုးမြင့်၊ ကျန်ကောင်းသင့်၏။

သင်၏အမျိုးသား၊ စာစကားလည်း၊
ကြီးပွားတက်မြင့်၊ ကျန်ကောင်းသင့်၏။

သင်ဦးချ၍၊ အမျှဝေရာ၊
စေတီသာနှင့်၊ သစ္စာအရောင်၊
ဉာဏ်တန်ဆောင်လည်း၊
ပြောင်လျက် .. ၀င်းလျက် ကျန်စေသတည်း။

ဇော်ဂျီ

No comments: